Ramesh Thorat : कळवण : ‘निर्धार विकासाचा, संकल्प विजयाचा’ असे म्हणत रमेश थोरात यांनी आगामी विधानसभा निवडणूकीसाठी जय्यत तयारी सुरू केली आहे. आगामी विधानसभा निवडणूकीसाठी रमेश थोरात कळवण-सुरगाणा विधानसभा मतदारसंघातून निवडणूक लढविण्यासाठी इच्छूक आहेत. त्यासाठी त्यांनी मतदारसंघात गावोगावी जाऊन लोकांशी संपर्क साधण्याचं काम सुरू केले आहे. यातच आता कळवण- सुरगाणा मतदारसंघासाठी त्यांचा जाहीरनामा सोशल मीडियावर फिरू लागला आहे.
नव्या पर्वाची, नवी सुरूवात, प्रामाणिकपणे सोबत प्रत्येक संघर्षात. धुरंदर, लढाऊ असंख्य गुणयुक्तव्यक्तिमत्व, जनतेच्या ह्यदयातील आपल्या हक्काचा माणूस अशा पद्धतीने रमेश थोरात यांनी मतदारसंघात आपला प्रचार सुरू केला आहे. गणपती उत्सवात देखील रमेश थोरात (Ramesh Thorat) यांनी विविध गावांमध्ये जाऊन गणपती मंडळांना भेटी दिल्या. याच दरम्यान त्यांनी गावकऱ्यांशी संवाद साधून गावातील समस्या, अडचणी जाणून घेतल्या. यातच आता आश्वासन नको, बदल हवा. विकासासाठी रमेशदादा हवा. असे म्हणत जोरदार प्रचार सुरू केला आहे. रमेश थोरात हे सुरगाणा नगरपंचायतचे माजी नगरसेवक आहेत.
धनशक्ती विरुध्द जनशक्ती
आमदार म्हणून निवडून आल्यास कळवण-सुरगाणा मतदारसंघात विकासाची काय कामं करणार ? त्यावर एक जाहिरनामा प्रसिद्ध होत आहे. यामध्ये कळवण शहरापासुन 5 कि.मी. वर असलेले सर्व प्रशासकीय कार्यालय कळवण शहरात आणणार सध्या असलेल्या प्रशासकीय कार्यालयात येथे भव्य मेडिकल कॉलेज उभारणार. पाण्याचे योग्य नियोजन करून मतदार संघातील शेतकरी वर्ग व पिण्याच्या पाण्याचे टंचाई कायमस्वरुपे नियोजन करणार व सिमेंट बंधारे, माती बंधारे तसेच धरणे बांधणार.
मतदार संघातील सर्व ग्रामपंचायतीतील नगरपंचायततील, सा.बां. विभागा अंतर्गत येणारे गावपाड्यावरील सर्व रस्ते करणार व मुलभुत सुविधे अंतर्गत येणाऱ्या योजना राबविणार. सर्व सुविधांनी युक्त हॉस्पिटल्स् ग्रामीण रुग्णालय व उपजिल्हा रुग्णालय या ठिकाणी एम.डी../ एम.बी.बी.एस व एम.एस असे सर्व तज्ञ डॉक्टर्स उपलब्ध करणार. मतदार संघातील गावराण जमिनी वर भव्य असे क्रिडांगण, व्यायामशाळा, वाचनालय, शैक्षणिक दर्जा वाढविण्यासाठी उपलब्ध करून देणार वाढीसाठी जमिन मिळण्यासाठी शासनाकडे पाठपुरावा करणार व शेतीसाठी जमिनी (अतिक्रमित) मिळवुन देणार.
निराधार आणि वृध्द लोकांसाठी वाढीव पेन्शन योजनासाठी प्रयत्न करणार जेणे करून निराधार राहणार नाही. (Ramesh Thorat)अंत्योदय रेशन कार्ड तयार करून देणार. लहान व मोठ्या मुलांना खेळण्यासाठी गार्डन आणि सर्व सुविधांनी युक्त असे ग्राऊंड ग्रामीण व शहरी भागात बनविणार. मतदार संघातील सर्व ग्रामपंचायत मार्फत लघु उद्योगांना चालना देऊन गावात रोजगार निर्मिती करण्यास भर देणार व सर्वांना घर देणार व गरजुंना घरकुल योजना राबविणार. महिला बचतगट तसेच पुरुष बचत गट प्रोत्साहान देऊन महिला व पुरुष बचत गटांचे समक्षीकरण करून बिनव्याजी कर्ज देण्यासाठी विधानसभेत आवाज उठविणार. शेतकऱ्याला विकासाचा बिंदू ठेऊन कृषी विषयक योजना व कृषीला हमीभाव मिळवुन देणार व सर्व शेतीमालाला योग्य भाव मिळवुन देणार.
शेतकऱ्यांच्या विजबिल माफीसाठी प्रत्यत्न करुन 24 तास विज पुरवठा करण्यास मदत करणार. कळवण व सुरगाणा बसस्थानके आधुनिक करणार. व एस.टी. कर्मचारी यांचे प्रश्न (वेळावेळी सर्व प्रश्न सोडविण्यासाठी आवाज उठविणार नविन बस उपलब्ध करणार. मतदार संघातील अंगणवाडी सेविका व मदतनिस आशा स्वयंसेविका शिक्षक कर्मचारी, लिपीक, शिपाई तसेच प्रेरक प्रेरिका यांचे प्रश्न विधानसभेत मांडुन न्याय देणार. मतदार संघातील धरणे, तलाव यांच्या कामाला गती देऊन कायमस्वरुपी पाण्याचे दुष्काळी निवारण करणार. मतदार संघातील मंदिरे सुशोभित करणार. मतदार संघातील प्राथमिक, माध्यमिक व शिक्षक प्राध्यापक कृषी सहाय्यक ग्रामसेवक तलाठी, लिपीक, ग्रामविकास बांधकाम महसुल विकास विद्युत कर्मचारी पोलिस पत्रकार डॉक्टर इत्यादी सर्व कर्मचारी अधिकारी यांचे प्रश्न सोडविण्यासाठी आवाज उठविणार.
वनजमिनीचे प्रश्न मार्गी लावणार व स्वतंत्र्य 7/12 देणार. सर्व शासकिय योजनेंचे योग्य पध्दतीने अंमलबजावणी करून विकास करणार. मतदार संघातील सर्व ग्रामपचांयत, गट ग्रामपचायंत, जिल्हापरिषद, नगरपंचायत, यांना भरघोस निधी उपलब्ध करून देणार. मतदार संघातील सर्व गावातील जि.प. शाळा सुसज्ज आणि उच्च दर्जाचे शिक्षण उपलब्ध करून डिजीटल करणार. मतदार संघात आरोग्य विद्यापीठ स्थापन करणार. (Ramesh Thorat)
मतदार संघातील सर्व व्यापारी बांधव यांच्या समस्या सोडविणार व्यवसाय वाढीसाठी शासनाच्या जमिनीवर कमी दरात गाळे उपलब्ध करून देणार. (23) मतदार संघातील ग्रामीण व शहरी भागात क्रांतिकारांचे व समाजसुधारक यांचे स्मारक उभारणार. अभोणा (मध्यवर्ती ठिकाणी), बोरगांव (सापुतारा हायवे), सुरगाणा (मध्यवर्ती ठिकाणी) भव्य असे छत्रपती शिवाजी महाराजांचे स्मारक उभारणार. भोगवटदार-2 मिळकती भोगवटदार-1 मध्ये रुपांतरीत करणार यात मतदार संघातील मिळकतदार यांना त्या मिळकतीचे फायदे मिळणार. भारताच्या स्वातंत्र्य लढ्यात मतदार संघातील यथाशक्ती योगदान राहिलेले स्वातंत्र्य सेनानी यांचे मतदार संघात मध्यवर्ती ठिकाणी मोठे असे स्मारक उभारणार. असे अनेक आश्वासनं त्यात देण्यात आलं आहे.